I Sognenett er me ein gjeng ivrige og lidenskapelege personar som brenn for å gje Sogn internettet som skal takla morgondagens behov. Sognenett er eit lokalt breibandselskap som kjempar for å levere den beste kundetenesta i bransjen og me trur at så lenge ein får rom til å vere seg sjølv, vil utviklinga og suksesshistoria Sognenett halde fram. Med 19 flinkisar i verksemda, nokon frå Sogn og andre utanfor, jaktar me etter entusiasme og glød som skal gje oss, og kundane, endå meir fart i tida framover! Så, om du kjenner deg att i mantraet «Meir fart, Meir moro!» håpar me at du vil bli betre kjend med oss.
Sognenett og Sognenett IT
Totalleverandør av internett, TV og IT-løysingar
Kven er me?
Kvifor jobbe i Sognenett?
Utviklingsmiljø
Sognenett er eit lokalt teknologiselskap i vekst. Hos oss deler me kunnskap, heiar på gode idear og utviklar oss fagleg saman med dyktige kollegaer.
Mobil- og internettordning
Som tilsett får du dekt internett heime frå oss, og jobbtelefon med abonnement.
Helse og trening
Me dekkjer 75 % av treningsutgiftene dine, inntil 300 kroner i månaden, og halvparten av behandlingskostnaden hos fysioterapeut, kiropraktor, naprapat eller psykolog, inntil 5 000 kroner i året.
God pensjonsordning
Me har innskotspensjon med 6 % innskot av løn opp til 7,1G og 18 % mellom 7,1 og 12G, inkludert uføre-, ektefelle- og barnepensjon.
Forsikring for deg og familien
Som tilsett hjå oss har du personalforsikring 24/7. I tillegg har du heilårs reiseforsikring som dekkjer både jobb- og ferieturar for deg, ektefelle/sambuar og barn.
Full løn ved sjukdom og permisjon
Ved sjukdom og i foreldrepermisjon får du full løn frå oss, også for den delen av løna som er over 6G.
Kraftlaget
Kraftlaget er bedriftsforeininga vår og skapar møteplassar for kollegaer på tvers av selskapa i konsernet. Gjennom året arrangerer laget ulike sosiale aktivitetar.
Konsernsamlingar og Sognekraftdagen
Fleire gonger i året samlar me alle tilsette til konsernsamling, julebord og Sognekraftdagen. Me møtest til fagleg påfyll og sosialt samvær på tvers av selskap og avdelingar.
Ledige stillingar
Open søknad
Sogndal, Norge
Nøkkeltal
753
Bedriftkundar
32
Tilsette
8840
Kundar
Om oss
I 2007 vart Sognenett AS skipa av lokale energi- og IT-selskap for å sikre eit heilskapleg og godt tilbod til breibandskundar i vår region. Sognenett er i dag størst på fiber i Sogn med kommunane Vik, Sogndal, Luster, Lærdal, Aurland og deler av Høyanger som vårt dekningsområde.
Sognenett IT vart skipa i 2023 og er totalleverandør av internett og IT-tenester. Me heiar på lokal verdiskaping, og har eit sterkt ynskje om å gjere kvardagen enklare for kundane våre. Med lokal forankring skal me vere den naturlege støttespelaren dersom ein opplev IT-relaterte utfordringar.
Som ein lokal tilbydar set me stor pris på våre kundar, og me jobbar til ein kvar tid for å vere eit fyrsteval med konkurransedyktige produkt. Me trur på at mangfald styrkar oss, og ynskjer alle kvalifiserte søkarar – uansett bakgrunn og erfaring – velkommen. Me er opptekne av å byggje eit inkluderande arbeidsmiljø der ulike perspektiv får plass og verdi.