Me søkjer marknadsrådgjevar som vil bruke kompetansen sin til å styrke ei framtidsretta satsing på grøn energi. Hjå Sognekraft får du jobbe strategisk og kreativt med meiningsfulle marknadsoppgåver – i eit miljø der utvikling og berekraft står i sentrum. Samtidig får du høve til å leva tett på fjord, fjell og friluftsliv i vakre Sogn – ein perfekt kombinasjon for deg som ønskjer både fagleg vekst og nærleik til naturen.

Din arbeidskvardag

Som marknadsrådgjevar får du vere med og forme korleis Sognekraft blir oppfatta. Du jobbar med strategi og tiltak som styrkjer merkevara og byggjer omdømme. Kvardagen er variert – med idéarbeid, aktivitetar og tett samarbeid med flinke folk. Her får du vere kreativ, få ting til å skje – og sjå resultata. Du jobbar i team og leverer tenester til både konsern og dotterselskapa som er i ulike bransjar.

Aktuelle arbeidsoppgåver

Utvikle og gjennomføre strategiar for merkevare og omdømme, i tråd med konsernet sine mål
Vere rådgjevar innan marknadsføring for konsernleiing og dotterselskap
Planleggje og koordinere marknadsaktivitetar og arrangement, samt måle effekt
Følgje opp sponsorporteføljen og utvikle samarbeidsavtalar
Sikre god profilbruk, visuell identitet og rammer for bruk av eksterne leverandørar

Kvalifikasjonar og erfaring

Me ser etter ein kandidat med høgare utdanning innan marknadsføring, kommunikasjon eller liknande fagområde. Du har god skriftleg og munnleg framstillingsevne. Det er ein fordel om du har erfaring med sponsoravtalar, arrangement og innkjøp av marknadstenester. Kunnskap og erfaring med digital innhaldsproduksjon og sosiale medium er òg eit pluss. Det same gjeld dersom du har bakgrunn frå grafisk design og er stødig i verktøy som Adobe Creative Suite.

Kven er du?

Er du kreativ, omgjengeleg og handlekraftig? Då kan dette vere jobben for deg. Me ser etter ein som trivst med å finne gode løysingar saman med andre, som er initiativrik, strukturert og har evne til å følgje prosjekt heilt i mål. Du er trygg i møte med folk, og god til å byggje relasjonar og nettverk – både internt og eksternt.

Arbeidsstad ved hovudkontoret i Vik, eller på kontoret i Sogndal.

Ta gjerne kontakt med konserndirektør Tom Dyrdal på tlf. nr. 47902531 om du har spørsmål.

Marknadsrådgjevar

Internett Explorer egner seg ikke for bruk av Nuu.