Watermoon er framtidas havbruk utvikla av oppdrettarar for oppdrettarar. Gjennom Watermoon skapar me best mogleg miljø for fisken, samstundes som me tek vare på fjordane våre. Me er no på leit etter deg som skal leie leveranse og serieproduksjon av Watermoon-einingar. Dette er ei rolle for deg som er hands-on, tek avgjerder i sanntid og trivst best der det skjer.

Om rolla

Som COO i Watermoon skal du leie og utvikle produksjon, samanstilling og ferdigstilling av Watermoon-einingar. Du skal sikre framdrift, kvalitet og leveranse i alle ledd.

Arbeidsoppgåver og ansvarsområde:

Ansvar for kontraktar og oppfølging med verft og andre leverandørar
Vere «tett på» produksjonen og sikre bygging i samsvar med avtalar
Ansvar for prosjektleiing og prosjektgjennomføring
Arbeide langsiktig med utvikling og effektivisering av produksjonen, inkludert optimalisering av ressursbruk, HMS og kontinuerleg forbetring
Planleggje og vedlikehalde prosjektplanar, budsjett og rapportering, samt sikre at prosjektet held seg innanfor rammene og regelverket
Sikre høg kvalitet på internkontroll, rutinar og prosessar
Delta i strategiske beslutningsprosessar og delta aktivt i rådgjeving
Spele ein nøkkelrolle i verksemdas vidare vekst og utvikling

Kven er du?

Me ser etter deg som vil byggje framtidas havbruk og setje ein ny standard. Som leiar må du vere der det skjer, vise engasjement, effektivisere produksjonen og ta den til neste nivå.

Ønska kvalifikasjonar og eigenskapar:

Høgare utdanning innan ingeniørfag, fortrinnsvis sivilingeniør innan marinteknikk, skipsbygging, maskinteknikk eller andre relevante tekniske fagområde
Minimum fem års relevant arbeidserfaring
Sterk teknisk forståing. Erfaring med industriell produksjon, prosess, oppfølging og koordinering av verft og leverandørar er ein fordel
Du er strukturert, løysingsorientert og handlekraftig
Du er tydeleg, tek ansvar og leverer resultat
Du trivst best der det skjer – ute i produksjonen

Kvifor Watermoon?

Ei sentral rolle i eit framtidsretta og vekstorientert selskap
Spanande utfordringar og gode moglegheiter for personleg og fagleg utvikling
Eit godt arbeidsmiljø med dyktige og engasjerte kollegaer
Konkurransedyktige vilkår

Din kompetanse og ditt bidrag vil vere avgjerande for verksemda sin vekst og drift i framtida. Du vil bli ein del av ei verksemd som tør å satse – både på visjonar og på folk. Me har eit motto: «Det viktigaste er å ha det gøy».

Watermoon

Søknadsinformasjon

Me ynskjer deg velkomen til å sende inn søknad, CV og relevante dokument. Har du spørsmål om stillinga, ta kontakt med HR-leiar Mari Lundal / 40628743 / mari.lundal@efb.no

Søk i dag om du vil ta del i å revolusjonere havbrukssektoren – til det beste for fisk, folk, fjord og framtid!

COO Watermoon

Internett Explorer egner seg ikke for bruk av Nuu.